ekran платформа за слободоумни
Денес, во Градската Библиотека “Браќа Миладиновци” во Скопје, со почеток во 19:00 часот, во организација на Христијански Философски Форум, ќе се одржи дискусија со темата за взаемниот однос меѓу христијанството и идеологијата. Ова е втората дискусија од годинашниот Форум за интердискурзивен дијалог “Philosophia Christiana”.
Во своето изложување, првиот дискутант Никола Галевски ќе се осврне на следните прашања: Дали верата сама по себе подразбира и идеолошки систем, или, пак, може да се користи како средство во критиката на идеологијата? Каков е односот на христијанската вера кон левицата и десницата, кон либерализмот и конзервативизмот? На партикуларно ниво, може ли да се зборува за односот меѓу религијата и конкретни теми и движења кои се актуелни денес, а кои се асоцираат со различни идеолошки наративи и светогледи?
Респондент во дискусијата е Мариглен Демири.
