ekran платформа за слободоумни
На прагот од летото, детските желби станаа реалност. 19.тото издание на фестивалот Поточиња официјално се одржа на 18-ти и 19-ти јуни во Македонска филхармонија. „Поточиња“ докажа дека можеби е најдобриот детски фестивал кај нас.
Фестивалот кој беше вистинска забава за најмалите се одржа во трите достапни термини изминатиот викенд и на него се испеаа 15 прекрасни детски композиции. Програмата беше збогатена со анимирани цртани филмови, специјално подготвени за ова издание на Поточиња.
Текстот на песничките е на Оливер Пап, и Леон Пап , а аранжманот и музиката од Мирослав и Оливер Пап. Водител исто како и секоја година беше шармантниот и секогаш расположен Мартин Јордановски – Поки.
Посетителите, освен подароци што ги добија од спонзорите, можеа да го купат и цедето со годинашните песнички.
Новите песни со анимирани видеа и текст може да се слушаат и погледнат на јутуб каналот „Поточиња“.
