„Рече ’ДА’“ напишал Џо под сликата од прекрасниот прстен кој е навистина уникатен…
Вчера младиот музичар Џо Џонас на Инстаграм со обожавателите ја поделил среќната вест, дека неговата девојка Софи Тарнер се согласила да се омажи за него.
Станува збор за црвенокосата ѕвезда од хит серијата „Игри на престолите“ за која светот дознал токму благодарение на улогата на Санса Старк во споменатата серија.
„Рече ’ДА’“ напишал Џо под сликата од прекрасниот прстен кој е навистина уникатен.
Да потсетиме, двојката е заедно од 2016. година,а се чини дека музичарот потполно се смирил покрај глумицата бидејќи, порано, во холивудските кругови важел за голем заводник.
На неговиот шарм паднале бројни славни дами, меѓу кои се и Тејлор Свифт која наводно ја оставил со телефонски повик од неколку секунди, како и Џиџи Хадид, која го оставила после шест месеци врска поради сегашниот дечко, Зејн Малик.
Тогаш Џо коментирал дека е интересно што толку брзо се снашла но се чини дека ионака не била „онаа вистинската“.