Трагичната приказна го потресе светот, девојка на само 21. година се борела за живот и била во живи рани од изгореници од трет степен откако сопругот ја запалил бидејќи одбила да абортира…
Либанката Хана Мохамед Кодор (21), во петтиот месец од бременоста, итно била пренесена во болница во Триполи во критична состојба откако нејзиниот сопруг, идентификуван како А.А., ја запалил со плински канистер. Докторот прво рекол дека морале да ја оперираат за да го отсранат фетусот откако умрел, а шансите за преживување на мајката биле „многу мали“.
Ужасниот напад, наводно, започнал со тоа што А.А силно ја претепал својата млада бремена сопруга кога таа му рекла дека сака да го задржи нивното бебе, кое требало да се роди во декември. Расправијата произлегла од финансискиот товар што детето би го ставило на семејството, а парот наводно потекнувал од сиромашна област на северот на земјата.
Лекар од болницата Ал-Салам за Arab News изјавил дека Хана била примена на 6. август „со 100 проценти изгореници“.
– Додека зборуваме, таа се бори за живот. Таа е меѓу животот и смртта на одделението за интензивна нега. Хана била бремена во петтиот месец кога се случил инцидентот. Бебето почина и моравме да оперираме за да го извадиме плодот. Нејзините шанси да преживее се многу мали – изјавил докторот.
Било пријавено дека има изгореници од трет степен по целото тело и едвај ја одржуваат на апарати за одржување во живот.
Uppror på 🇱🇧 socmed:
Hana Khodor avled efter 11 dygn på intensiven i Tripoli,Libanon🇱🇧. Hon var gravid men maken ville att hon skulle göra abort pga ”osäker ekonomi”. Hon vägrar ty hon var i 5:e mån. Han misshandlade henne brutalt, hällde bränsle och tända på.
Hon blev 21 år… pic.twitter.com/zRcEOYFyZZ
— Christer Sfeirكريستر (@ChristerSfeir) August 18, 2022
Либанските внатрешни безбедносни сили го уапсиле сопругот кој планирал да побегне од земјата.Тетката за локална телевизија изјавила дека сопругот се обидел насилно да ја претепа Ходора за да ја натера да абортира, но кога не можел да ја убеди, ја однел дома и ја запалил.
Хана Мохамед Кодор (21) не можела да ги преживее фаталните повреди во северен Либан. Таа била 11 дена во болница.
Фото: Принтскрин/Twitter