ekran платформа за слободоумни
12 години по ред „Струмица Опен Фестивал“ ја раскажува својата приказна, водени од потребата да ги зачуваат и негуваат македонските музички и културни вредност, промовирајќи ги најдобрите локални и национални артисти.
Во 17 дена, на преку 20 настани, публиката ќе има можност уште еднаш да се забавува, дружи, спортува и ужива во богатата културно-забавна и спортско-рекреативна програма која ви ја нуди еден од најголемите фестивали во земјава.
Овогодинешниот фестивал започна на 6 јуни и ќе трае се до 13 август. Вечерва започнува концертниот дел од фестивалот. Програмата започнува во 20:30 часот во градскиот Парк со завршниот концерт на летната школа за гитара „Македонски Евергрини“, а од 22:00 часот присутните ќе можат да го видат и слушнат скопскиот состав „Funk Shui“.
И во наредните денови не очекува богата фестивалска програма на која ќе настапат: Александра Јанева и Пријателите, Bras Brothers, Камерен Оркестар на Битола со вокалите Тамара и Наде Талевска, Тајзи, Иван Кукиќ и Aleksandra Groove and Soothe Band.
