Премиера на театарската претстава „Не можам да платам, не сакам да платам“

„Не можам да платам, не сакам да платам“ од Дарио Фо, во режија на Владимир Николовски е новата претстава на Кумановскиот театар, која премиерно ќе биде прикажана вечерва, со почеток во 20:00 часот во НУЦК Трајко Прокопиев во Куманово.

Текстот е актуелен и денес, иако е пишуван во 70-тите години од минатиот век, информираа од театарот на неодамна одржаната прес-конференција.


– Сѐ започнува со хаосот во еден супермаркет, по силен протест на голема група жени незадоволни од исцрпувачката инфлација, енормното и секојдневно поскапување на цените и константното осиромашување. Духовитите и сатирични дијалози и настани силно удираат по општествените апсурди и видливи слабости, многу актуелни и во нашето време и на нашите места. Борбата на ликовите за класна и социјална правда, етичност и економска сигурност драстично се отежнати од принудната борба за преживување во погрешниот систем во кој живеат. Нивната (не)спретност во тие борби може да нѐ замисли, но повеќе од сигурно е дека добро ќе нѐ насмее.

Во претставата играат Марко Трајковиќ, Александра Михајловска Величковски, Давид Илиќ, Владанка Крстевски, Жарко Јовановиќ. Тие ја повикаа публиката да ја проследат и премиерата и репризите кои следат.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Доделување на наградите „Гласник на невидливите“ за 2024

Денес во кафе-книжарницата „Буква“ во Скопје, со почеток во 19:30 часот, во организација на Македонска …