ekran платформа за слободоумни
Силвестер Сталоне ја доживеа најголемата загуба во животот која никогаш не се заборава
Гледајќи го Силвестер Сталоне, гледаме среќен маж опкружен со прекрасни ќерки кои го обожаваат и 25 години помлада сопруга која е секогаш тука за него. Но, вистината е дека никогаш не знаеме што се случува во туѓа глава, во туѓо срце и никогаш не треба да им завидуваме.
Силвестер и Џенифер имаат три ќерки, Софија, Систин и Скарлет. Трите убавици се исклучително приврзани за својот татко, кого често го следат на црвениот тепих, но дали знаевте дека Силвестер има деца и од првиот брак?
Со првата сопруга Саша Чак, Силвестер го добил синот Сејџ, кој доживеал срцев удар и починал на лице место на 36-годишна возраст! Силвестер тогаш рече дека нема поголема болка на овој свет. Дека таквата загуба не може да се заборави, замени или ублажи.
Во официјална изјава, популарниот Роки тогаш рече:
„Ниту една болка не е посилна од тоа кога родител ќе изгуби дете. Затоа ги молам луѓето да покажат почит кон споменот на мојот талентиран син и да сочувствуваат со љубовта на неговата мајка Саша. Оваа болна загуба ќе остане со нас до крајот на нашиот живот. Сејџ беше нашето прво родено дете и центар на нашиот универзум и понизно ве молам да не ги вознемирувате душата и сеќавањето на мојот син“.
Сталоне беше уште повеќе повреден од фактот што години пред смртта на Сејџ беше во лоши односи со него. Имено, откако Сталоне и Саша се разведоа, Сејџ не сакаше да разговара со својот татко, но подоцна ги закопаа секирите и почнаа да работат заедно на неколку проекти.
Саша и Сталоне имаат уште еден син, Серж, кој боледувал од аутизам на рана возраст. Актерот и неговиот син се појавија во јавноста само еднаш, на насловната страница на магазинот People во 1982 година. Оттогаш, Серж е во потполна медиска илегала.
Меѓутоа, агонијата на Силвестер Столоне продолжила кога се родила неговата прва ќерка Софија. Имала и малформација на срцевиот залисток, па била оперирана кога имала само 2 години. За среќа, се’ се завршило добро и сега таа е среќна девојка, а нејзината мајка Џенифер често знае да каже дека Софија е најслична на Силвестер, дека ги има сите негови движења.
Силвестер е многу близок со своите деца, но во текот на животот се бори со голема тага поради нивните болести и загубата на најстарото дете.
Фото: Архива
