ekran платформа за слободоумни
Животот во Париз не е евтин. Просечните цени на киријата во француската престолнина варираат во зависност од локацијата и големината на станот, а гарсоњера може да се најде по цена од 1.000 до 2.400 евра. Меѓутоа, ако не сте премногу пребирливи, можете да најдете подостапно сместување.
Викрам е еден од тие – овој Јутјубер е попознат по прекарот Тимвикс и живеел во Париз во микро-стан од само девет квадрати, кој месечно го плаќал 750 евра.
Иако е многу мал простор, тоа било доволно за кревет, шпорет со мијалник и мал фрижидер, биро, па дури и туш кабина. Имало и простор за чување лични предмети – од облека до прехранбени производи, тенџериња и други садови.
Единствено што му недостигаше во тој микро-стан е тоалетот – тој се наоѓал во ходникот надвор од станот и го делел со друг сосед, пренесува Punkufer.
Освен релативно ниската кирија за Париз, најдобриот дел од овој стан е погледот. Не само што големиот прозорец визуелно го зголемува просторот, туку нуди и поглед на Ајфеловата кула. Поради близината до центарот на градот и метро станиците, многу е лесно да се стигне до кој било дел од Париз.
Како изгледа кога човек живее во микро-стан од девет квадрати, погледнете во видеото.
Фото: Принтскрин/YouTube
