(ВИДЕО+ФОТО) Промовирана првата песна и видео запис на Андреа, „I know“:Моќно и сигурно!

Младата пејачка Андреа Коевска заедно со композиторот и продуцент Александар Масевски и агенцијата „Мелем“ ја претстави својата прва песна насловена „I know“, како и видео записот за неа. Моќниот вокал на Андреа доминира и на првото слушање добивате впечаток дека станува збор за искусен изведувач, а не за 19.годишно девојче кое го претставува своето првенче.

Автор на музиката и продукцијата е Александар Масевски, а од „Мелем“, како што рече Андреа, се „виновни“ за изработката на видео записот.

За соработката со Андреа Масевски ни рече:
„Ја открив преку видео клип кој ми беше предочен од обострани блиски луѓе. Нејзиниот вокален потенцијал, начин на изведба и специфична боја на гласот беше главната инспирација да и направам песна. “I Know” покрај тоа што е нејзина прва песна, тоа е воедно и нејзина прва снимка во студио (значи прво снимање во студио)“, ни рече Александар масевски.
Андреа Коевска е извонреден вокал кој за прв пат се претставува пред македонската публика. Студира на Музичката академија и има 19. години. На промоцијата нејзините пријатели кои присуствуваа во огромен број не ги штедеа солзите радосници и убавите зборови за успехот на Андреа. Таа се заблагодари на семејството, професорите од средното училиште кои ја поддржувале во работата и кои и денеска беа на промоцијата на нејзината прва песна.

И, навистина, Адреа делува сигурно и моќно, како зад себе да има многукратни искуства од студијата…Но, веројатно нејзината леснотија во пеењето и сигурноста во себе се причина за нејзиниот ваков начин на интерпретација кој ни остава впечаток дека Андреа тоа го има “во малото прсте“.Останува само неа и на Масевски да им посакаме уште многу песни, видеа и пробиви во регионот и светот…бидејќи добрата музика урива секакви граници.

Видеото може да го погледнете овде: