Три лица загинале како резултат на „медитеранскиот ураган“, многу редок вид бура што го погоди поголемиот дел од Грција за време на викендот.
Бурата Јанос откорна дрвја и предизвика прекини на електричната енергија на Јонските острови и западниот Пелопонез.
Потоа се прошири во централна Грција, погодувајќи ги главно областите околу градовите Кардица и Фарсала, а потоа стигна и до Крит.
Експертите проценуваат дека околу 5.000 куќи во областа Кардица биле поплавени. Грчкиот премиер Киријакос Мицотакис најавил помош од владата.
Бури како Јанос првпат во Грција беа регистрирани во 1995 година, но се почести во последниве години. Слично невреме ја погоди земјата и во 2018 година.
Во 2017 година, во поплавите загинаа 25 лица, а стотици останаа без домови.