ekran платформа за слободоумни
Ако имаше награда за големи камбекови, тоа дефинитивно би можело да биде за ирскиот актер кој стана големо име во Холивуд, Колин Фарел.
Минатата недела го подигна вториот Златен глобус и одржа емотивен говор, а следната недела се очекува да биде номиниран за престижниот Оскар.
Меѓутоа, ако премотаме 17 години, ќе видиме дека кариерата на Колин е во опаѓање. Алкохолизмот и дрогата за малку ќе го чинеле живот.
– Не ви е потребна медицинска диплома за да знаете кога вашето тело се исклучува. Искрено не мислев дека ми останува уште многу – изјавил тогаш Колин, пренесува The Sun.
Жедта на Фарел за порочен начин на живот започнала во неговите рани тинејџерски години во Даблин. Покрај 40 цигари дневно, признал дека земал и многу наркотици секоја недела.
Во Холивуд тропнал во 2000 година, а Колин добил улога во воен филм. Неговата тешка улога како американски војник во Луизијана му донесе купишта критики. Тој продолжи да се појавува во големи продукции, но наскоро неговиот стар животен стил го засени неговиот талент.
Тој беше поврзуван со Анџелина Џоли, Деми Мур и Бритни Спирс по нејзиното раскинување со Џастин Тимберлејк. Во 2002 година имаше шестмесечна врска со манекенката Никол Нараин, а врската не заврши добро, подоцна ја тужеше поради објавување интимни снимки. Следната година, врската со манекенката Ким Борденаве му го донесе синот Џејмс, на кој му беше дијагностицирано генетското нарушување Ангелман синдром, што предизвикува проблеми со говорот и рамнотежата. Тој доби уште еден син, Хенри, во 2009 година со полската актерка Алиша Баледа-Курус, но романсата беше краткотрајна.
View this post on Instagram
Филмот во кој ја толкуваше улогата на Александар Македонски му донесе лоши критики кои го натераа да размислува да се откаже од актерството.
Ударите биле толку тешки што Колин размислувал да стави крај на својот живот. Тој рекол:
– Се сеќавам дека мислев дека ќе одам во Њујорк, ќе купам дрога од 2.000 долари и ќе „се пукам“ додека не умрам. Другиот избор беше да се смени. Го избрав вистинскиот – искрен бил Колин, пренесува The Sun.
Заминал на рехабилитација и ја рестартирал кариерата.
View this post on Instagram
Во својот говор на Златните глобуси минатата недела, тој му рекол на режисерот Мекдона:
– Многу ти должам човече. Пред 14 години ме стави да работам со Брендан Глисон, мојот партнер за танцување, и ми ја смени траекторијата на животот.
Откако беше презаситен во 2018 година, тој се пријавил во клиника за рехабилитација во Аризона за да спречи релапс.
Колин им дава заслуга на своите синови што му помогнале да остане трезен, велејќи:
– Она што го направи мојот прв син Џејмс беше ме остави да се грижам за нешто кога не можев да се грижам за себе. Џејмс ми го спаси животот.
Фото: Принтскрин/Instagram
