(ВИДЕО+ФОТО) Најголемата фолк-забава за ова лето е во Битола!

Градот Битола е подготвена на 1-ви септември да ужива на најголемиот фолк-спектакл за ова лето, поточно големиот концерт каде ќе настапат најпознатите фолк-ѕвезди од нашата естрада.

Концертот е закажан на ракометното игралиште во Битола, а публиката ќе ужива во најголемите хитови во изведба на популарната Сузана Гавазова, Анета и групата Молика, Марјан Коцев, Стојне Николова, Благоја Грујовски, Ирена Спасовска, Дамјан Стојановски, Рамко Беслими, Ален Хасановиќ, Каан Мазхaр и Зуица Лазова. Сите овие изведувачи ќе ги пратат познатите музичари од групата „Молика“.

Атрактивната пејачка Сузана Гавазова вели дека едвај чека да запее на големата бина на 1-ви септември во Битола.
– Со нетрпение чекам да дојде 1-ви септември. Секогаш сум возбудена кога сцената ја делам со моите колеги од естрадата. Битолчани ќе уживаат, верувајте – порача Сузана.

Исто така и турскиот пејач Каан Мазхар не го криеше задоволството што ќе настапува пред битолската публика.
– Ќе биде убава вечер во Битола. Мене ми е чест и задоволство што ќе пеам со најдобрите во нашата земја. Ги поканувам сите кои се во можност да дојдат и да уживаат – изјави Каан.

Инаку станува збор за голем концерт со мултиетнички карактер, каде покрај многуте македонски фолк-ѕвезди ќе можеме да видиме изведувачи од другите етнички заедници, како што се Ромите, Турците и Бошнаците.
Она што е важно да се напомене, а тоа е дека познатите изведувачи ќе имаат прилика да пеат на најсовремена опрема, голема бина и одлично осветлување, нешто што ретко се гледа кога станува збор за фолк-музиката.
Концертот ќе биде организиран според сите мерки за заштита од корона-вирусот!