(ВИДЕО+ФОТО) Најдобар танчер: Настапот на момче со Даунов синдром е хит!

Ендрју се „шокирал“ кога ја видел публиката па на миг запрел со танцот, но мајка му го охрабрила да продолжи со настапот, чиј крај, освен публиката, и двајца членови од жирито го дочекале во солзи…

Почнал во дневната соба да ги изведува танцовите од шоуто „Strictly Come Dancing“ бидејќи тоа го веселело, раскажала Дона, мајка на 21. годишниот Ендрју.
Настапот на момчето со Даунов синдром на аудицијата на шоуто „The Greatest Dancer“ станал вистински хит.

Видеото кое во понеделникот е објавено на Фејсбук воодиушевените луѓе ширум светот досега го погледнале повеќе од 29. милиони пати.
Многумина во коментарите признаваат дека не можат да престанат да плачат.
Шоуто е така конципирано што танчерите минуваат во следната фаза на натпревари и добиваат ментори дури ако 75% од публиката гласа дека им се допаѓа тоа што го гледаат.

Ендрју на почетокот на шоуто делувал нервозно, но веќе после 25. секунди собрал доволно гласови да мине поонатаму.

Во тој момент се отворило огледалото и Ендрју пред себе ја видел публиката. Тоа го шокирало па на момент престанал со танцот но мајка му го охрабрила да продолжи со настапот, чиј крај, освен публиката и двајца членови од жирито го дочекале во солзи.

Но, како сите да не плачеле доволно, Ендрју на бината го довел својот најдобар пријател Том.
Ако Ендрју победи ќе освои 50. илјади фунти а танчерските движења ќе може да ги покаже и во шоуто „Strictly Come Dancing“.