ekran платформа за слободоумни
„Од Њујорк на Бродвеј директно до Богданци во Дом на култура, повелете на концерт со Бродвејски хитови!“, вели Ангела на нејзиниот профил на Фејсбук…
Ангела потекнува од Богданци. Таа е редовен ученик во ПСУ „Јахја Кемал“ – Скопје и вонреден ученик во ДМУЦ „Сергеј Михајлов“ – Штип.
Ангела е редовен член во женскиот камерен хор „Св. Злата Мегленска“, а исто така ја посетува Академијата за естрадно пеење „Ѕвездички“. Свири на клавир од седумгодишна возраст и членува во Фолклорниот ансамбл „Мегдан“ веќе осум години.
Доколку не се сеќавате која е Ангела, само ќе ве потсетиме дека таа е девојката од Богданци која свири на клавир, гитара, укулеле, пее и компонира и многумина ја помнат по нејзината композиција за соло-пијано со тема од народната македонска песна „Сербез Донка“…
…но и други композиции, како од домашни така и светски изведувачи…
Ангела Маџирова од Богданци учествуваше на натпреварот „Американ протеже“ (American Protégé – International Vocal Competition) и освои втора награда во категоријата бродвеј, па сега ја чека настап во познатата концертна сала „Карнеги хол“ во Њујорк.
За натпреварот, Ангела се подготвувала под менторство на професорката Ана Костадиновска.
Со оглед на пандемијата настапот на Ангела Маџирова во „Карнеги Хол“ најверојатно ќе се одржи во 2022/2023, односно кога ќе се создадат услови.
Фото: Facebook
