ekran платформа за слободоумни
Д-р Гледис Тејлор МекГари е меѓународно призната како „мајка на холистичката медицина“ и прва што користела акупунктура во Америка. Таа е ко-основач на Американското холистичко здружение, ко-основач на Академијата за парапсихологија и автор на „The Well-Lived Life: A 102-Year-Old Doctor’s 6 Secrets to Health and Happiness at Every Age“ (Добро живеен живот: 102 годишна докторка за 6 тајни за здравје и среќа на секоја возраст“. Неодамна таа напиша авторски текст за „CBNC“ за тоа што е поштетно за менталното, а со тоа и за физичкото здравје.
Нејзиниот текст го пренесуваме во целост.
– Оваа година наполнив 102 години, а децениското искуство во холистичката медицина ме научи многу за тоа како да живеам долг, среќен и наменски живот. Премногу луѓе се стресуваат непотребно. Најсреќните и најздравите луѓе што ги познавам се способни да го надминат она што повеќе не им служи. Животот е премногу краток за да размислуваме за истите работи одново и одново. Со тоа во суштина се измачувате себеси.
Така, главната навика што ми донесе здравје и среќа беше мојата способност да ги градам работите од нула, било да е тоа врска, кариера или проект.
Мајка ми ме научи на едноставен начин да се откажам од работите што не се навистина важни. Нежно ја креваше тупаницата пред нас, со прстите опуштени, со дланката нагоре. Потоа ќе ја спушти со дланка и ќе рече: „Не е важно“.
Ова природно движење и овозможи да живее низ огромни предизвици без да ги зема при срце; таа едноставно се ослободи од она што не функционира, повторно се фокусираше на она што е важно и продолжи понатаму. Ја усвоив оваа практика: Би препознала кога нешто не ми оди во прилог и би го „избркала“ со тоа специфично движење на раката.
Кога станав свесна за тој гест, сфатив дека има голема сила да знам дека секогаш кога ќе забележам нешто негативно како ми се приближува, можам да одберам дали да го прифатам. И ако е нешто што не го сакам, свесно ја враќам енергијата од каде и да дојде.
View this post on Instagram
Како да се вежба оослободување?
Оваа вежба најдобро ќе делува ако станете и тргнете! Вклучете некоја разиграна музика и почнете да шетате низ вашиот стан, двор, блискиот парк… Оставете го вашето тело да се движи слободно додека одите! Може дури и да си дадете дозвола да танцувате малку!
1. Идентификувајте го она што чувствувате дека е „заглавено“ во вашиот живот
Тоа може да биде пријателство, професионален потфат, начин на размислување, огорченост… Почувствувајте го чувството дека сте „заглавени“ во целото тело.
2. Замислете дека можете да ја држите таа заглавена работа во рака
Можеби дури и се чувствувате како го стегате во тупаница. Држете ја цврсто.
3. Вистински пуштете го
Додека сеуште сте во движење, испружете ја раката пред вас, дланката нагоре, прстите споени. Потоа спуштете ја надолу, ширејќи ги малку прстите. Додека го правите ова, ментално визуелизирајте се како се ослободувате од она што е заглавено. Притоа, можете да кажете или мислите некои зборови што ви се значајни, како што е „Не е важно“ или која било друга фраза што ви одговара.
Кога ќе го оставите да си оди, одвојте миг за да го цените текот на животот што се движи низ вас.
View this post on Instagram
Најсреќните луѓе знаат кога е време да продолжат понатаму
Сите се соочуваме со жалење. Прашањето е: колку долго треба да се држиме со тоа? Не знам какви грешки сте направиле во минатото, но би сакала да предложам дека генерално сте го направиле најдоброто што можевте во тоа време. Ако живеете во жалење, обидете се да го испитате тоа чувство и да видите зошто тоа опстојува.
Дали работите главно испаднаа во ред? Ако се, бидете благодарни! Дали има нешто смешно во нив? Ако има, смејте се! Дали научивте нешто ново од тогаш? Ако е така, уживајте во она што сега го знаете!
Направете сè што можете за да се ослободите од своето жалење; простете си себеси, а доколку е потребно побарајте прошка од другите, за да можете мирно да продолжите со својот живот.
Фото: Принтскрин/Instagram
