ekran платформа за слободоумни
Колку често ни се случува да не знаеме што имаме ДОМА? Колку често се восхитуваме на некои непознати „ликови“ а не знаеме дека тука, дома, имаме бисери по кои копнеат и во странство….
Еден од тие БИСЕРИ, богатства е YOVA, млада уметничка – бидејќи за музиката која ја изведува може да се искористи само тој збор, која се калела во Лондон, и сеуште трпеливо и внимателно го кали својот пат до успехот…
Ако е успех сите да те знаат и да се воодушевуваат на твојата музика…
Во интервјуто подолу откријте која е YOVA и како стасала тука каде што е но и какви и се плановите за настап на Андерфест 2022 …
Кога почна да се занимаваш со музика?
– Почнав да се интересирам за музика како дете. Учествував во сите училишни претстави, пеев или танцував.
Учествував на детскиот фестивал „Калинка“ во Гевгелија и тинејџерскиот фестивал „Тинс фест“ во Прилеп.
View this post on Instagram
Кога се пресели и која беше причината да живееш во Лондон?
– Се преселив во Англија по завршувањето на средното училиште. Уште како мала сакав да поминам време во европската музичка метропола. Се запишав на реномираното музичко училиште „Vocal-Tech“ во Лондон и таму ги запознав моите први соработници со кои го издадов мојот прв албум „Дневник на песочен часовник“ во 2007. година.
