ekran платформа за слободоумни
Мора да ја пробате!
Одлична идеја за ручек или вечера. Питата без кора е полна со сочен фил од месо и сирење што се растегнува. Подготовката не е комплицирана, а јадењето е толку вкусно што секој што ќе го проба ќе побара рецепт.
Состојки:
450 гр мелено месо
1 лажица маслиново масло
1 главичка кромид
8 јајца
60 мл густа павлака за готвење
1/2 лажичка лук во прав
со, црн пипер
170 гр чедар сирење
магдонос
Подготовка: на масло пропржете ги месото и кромидот. Додадете сол, црн пипер и лук во прав. Изрендајте го чедарот и додајте половина преку месото. Во сад изматете ги јајцата и со павлаката, па истурете во тавчето, а одозгора ставете го преостанатиот чедар. Префрлете ја тавата во рерна и печете 20 минути на 175 ° C. Кога ќе биде печено, посипете со свеж магдонос.
Фото: Принтскрин/YouTube/Essen Rezepte
