ЕКСТРЕМНО студеното време преовладуваше последните денови во Тексас, а водата во базените пред многу куќи се замрзнала и ги претворила во лизгалишта.
Дан Холмс научил на потешкиот начин дека замрзнувањето на водата може да биде крајно опасно по живот за домашните миленици.
Додека уживал во ветерот во дворот на куќата во друштво на неговите две кучиња, кучката Кристи играјќи стапнала на ледената површина на базенот, а потоа одеднаш паднала во студената вода.
Холмс не чекал ни секунда, туку веднаш притрчал на помош на Кристи. Скокнал по неа во базенот и ја извлекол.
„Сите сме добро, но водата беше многу студена“, напишал Холмс во описот на видеото што го објавил на Фејсбук, покажувајќи го моментот на несреќата.
Тој рекол дека се надева дека сопствениците на миленичиња ќе научат нешто од неговиот пример.
„Бидете внимателни“, додал тој.
Фото: Принтскрин/Facebook