(ВИДЕО) Русија го откажала прикажувањето на американскиот филм „Hunter Killer“

Руското министерство за култура го откажало прикажувањето на холивудскиот филм „Hunter Killer“ во кој американски војници го спасуваат претседателот на Русија и спречуваат Трета светска војна.
Министерство како причина за својата одлука наведува административна причина, бидејќи дистрибутерската компанија не испратила на време копија од филмот, и филмот не може да биде јавно прикажан во Русија.
„Hunter Killer” е филм за неискусниот капетан на американска подморница кој во соработка со специјалните единици во водите на Арктикот го спасува рускиот претседател.

Во филмот претседателот на Русија е заложник на руски терористи кои подготвуваат пуч и се закануваат со предизивкување на Трета светска војна.
Филмот на режисерот Донован Марш, адаптација на книгата „Firing Point” (Горечка точка), во кој глумат Гери Олдман и Џерард Батлер, требало да се прикажува во 850. кино сали во Русија.
Филмот порано бил забранет во Украина поради руско-украинските тензии.
„Hunter Killer” премиерно ќе биде прикажан во Франција во декември.