Журките најчесто ги поврзуваме со забава, муабет и веселба, но за жал во последно време и со потенцијални опасности. И не само ние – на пазарот се појавија практични предмети дизајнирани да обезбедат побезбеден „клабинг“.
Во време кога многу се зборува за дрога за силување и инциденти во клубовите, потребно е да се биде внимателен, но не и параноичен. Носењето пијалоци со вас, барањето шише или да може да се отвори пред наши очи, и секако доверливи пријатели се добар начин да се спречат непријатностите.
Меѓутоа, луѓето се сетиле и да осмислат и дизајнираат специјални предмети кои се еден вид заштита при излегување.
Најпознати се капаците за чаша – од силикон или ткаенина, кои го отежнуваат внесувањето на опасните материи во пијалокот. Тие се погодни за употреба, се носат на рака и изгледаат како ластиче.
@nightcapit Protecting your drink is good 4 u. #BestSeatInTheHouse #DADMOVES #MACscaraface #ConjuringHorror #xyzbca #PerfectAsWeAre #Destinationdepop ♬ good 4 u – Olivia Rodrigo
Направени се и налепници кои можете да ги ставите во пијалокот за да проверите дали има ставено нешто во него. Ја менуваат бојата доколку откријат присуство на дрога, па затоа е погодно да ги носите во џеб или паричник кога одите на забавата.
Сепак, има уште неколку „гаџети“ за самоодбрана кои се прилагодени на ноќниот живот.
Доколку се најдете во ситуација да ви е загрозена личната безбедност и имате над 16 години, законите во некои земји дозволуваат да користите плински спрејови како и уреди за предизвикување струен удар.
Бибер спрејовите се најефикасните спрејови за самоодбрана на природна основа. Содржат екстракт од лута пиперка кој предизвикува иритација на очите – печење, чешање, солзи, како и иритација на кожата и назалната слузница.
@defensefairy Spray and run! You don’t need to get close #selfdefense #selfdefensekeychain #safetykeychains #selfdefenseforwomen #pepperspray ♬ Ski Mask The Slump God – Foot Fungus – Kiersten
Електрошокерите се’ почесто се продаваат на компактни привезоци, но и маскирани во друг предмет, како кармин. Тие не можат да го повредат напаѓачот, но ќе предизвикаат болка и грчеви во мускулите, што е доволно да го онеспособи лицето што ве напаѓа и да ви даде време да избегате.
@defensefairy Comment “FYP” if you are seeing this on yours. All items have been restocked! Link in bio to shop💕⚡️#selfdefensetools #selfdefensekeychian ♬ Big Energy – Latto
Специјално дизајнираните нараквици и ланчиња кои изгледаат како обичен, елегантен накит всушност служат за да ве спасат во ситуации кога вашата безбедност или живот е загрозена.
Со кликнување на приврзокот на овој накит автоматски се испраќа порака со која ги известува вашите пријатели и семејството дека сте во опасност и ја препраќа вашата локација во полиција.
@invisawear Just double tap the back of the charm twice 😄 #foryou #selfdefenseforwomen #safety #metoo ♬ original sound – invisaWear
Фото: Илустрација