(ВИДЕО) Патинсон заразен со корона вирус: Прекинато снимањето на филмот „Бетмен“

Роберт Патинсон е позитивен на коронавирус, поради што итно е запрено снимањето на филмот „Бетмен“, пренесуваат странските медиуми.
„Еден член на филмската екипа „The Batman“ бил тестиран и позитивен на Ковид19 и бил изолиран со утврден протокол. Снимањето на филмот е привремено паузирано “, било речено од продукцијата на Warner Bros.
Иако во продукцијата не е наведено кој е член на тимот кој е позитивен на вирусот, „Vanity Fair“ пишува дека станува збор за sвездата на сагата „Самрак“.

Претставникор за јавност на Роберт не се огласил по овој повод и ги игнорирал сите телефонски повици од медиумите.
Ова не е прв пат да се прекинува снимањето. Уште во март, кога беше прогласена вонредна состојба, камерите се исклучија.