ЗАМИСЛЕТЕ како седите во толпата на трибините и го гледате вашиот омилен бејзбол тим, а потоа одеднаш ја гледате личноста од вашите соништа и знаете дека треба да ја запознаете. Токму тоа му се случило на еден млад човек на натпревар во Чикаго Кабс неодамна.
На трибините видел девојка која многу му се допаднала и сакал да дојде до неа. И нашол начин. Тој ѝ го предал телефонот низ толпата. Кога апаратот конечно стигнал до девојката, таа се насмеала гласно, го внела својот број и му го вратила телефонот на младиот човек.
@allyinchi A true Chicago love story.. passing his phone up the Bleachers at Wrigley after seeing her in the crowd ⚾️❤️ #taylorswift #taylorsversion #wrigleyfield #cubsbaseball #lovestory #chicago #baseball #dodgers #la #fyp ♬ Love Story (Taylor’s Version) – Taylor Swift
Видеото набрзо се прошири на социјалните мрежи и стана хит.
„Колку слатко. Еден ден ќе им кажува на децата – вака ја запознав мајка ви”, „Веднаш и даде мобилен со отклучен екран. Ах, тоа е љубов”, „Ова е толку романтично”, „Убаво .Многу ме интересира како ќе им помине првиот состанок“, „Го гледав видеото сто пати и го гледам пак. Многу убаво“, пишуваат луѓето во коментарите.
Се јавила и девојката од снимката
Во коментарите се огласила и девојка од трибините на која младото момче и го испратило мобилниот телефон низ толпата.
„Здраво пријатели. Ова сум јас во видеото и можам да потврдам дека сум сингл”, напишала девојка по име Оливија Марино. Некои подоцна напишале дека Оливија и младиот човек договориле прв состанок и дека едвај чекале да ги дознаат деталите.
„Сите сте поканети на свадба“, се пошегувала Оливија.
Фото: Принтскрин/TikTok