„Кичевска саса“ е насловот на новото македонско оро, компронирано од младиот и талентиран Костадин Крстески.
Костадин на свои 19 години има компонирано, отсвирено и снимено неколку ора, од кои две промовираше на крајот од минатата година, а едното од нив е токму „Кичевска саса“. Во моментов е студент на факултетот за музичка уметност.
„Ја сакам македонската традиција и музика. Сакам се што е поврзано со нашата музика и затоа посебно се радувам и сум горд на секое мое промовирано и прифатено оро од публиката. Минатата година ја завршив со промоција на две мои ора, а во новава најавувам уште многу изненадувања за уживателите на македонскиот мелос“, вели младиот Костадин.
Од новитетите кои и самиот музичар ги најавува, засега сигурни се уште неколку нови проекти, меѓу кои и албум, каде на едно место ќе бидат сместени сите досегашни снимени материјали на овој млад музичар.
(ВИДЕО) Младиот хармоникаш Костадин Крстески сними ново македонски оро
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.