Херојот на една слатка приказна е навивач на кошаркарскиот клуб „Орландо Меџик“…
Камерите на спортските настани често снимаат смешни, романтични, но и бизарни и непријатни животни моменти. Кога таа камера ќе фати нешто навистина трогателно, сите се трогнати, без разлика што се работи за некој што не го познаваат.
Херојот на една симпатична приказна е навивач на кошаркарскиот клуб „Орландо Меџик“, а публиката можела да го види моментот кога неговата сопруга му кажала изненадување кое ќе го памети до крајот на животот.
Имено, Џејмс Бејли немал поим дека ќе стане татко. Неговата сопруга Тејлор за тамошните медиуми открила дека тоа го чувала во тајност, сакајќи со стил да му ја пренесе прекрасната вест.
huge W pic.twitter.com/lDFCfT1SCn
— Orlando Magic (@OrlandoMagic) November 25, 2021
– Мојот сопруг отсекогаш сонувал тоа да му го кажам на навистина кул начин. Затоа помислив дека би било убаво да го направам тоа преку камерата за бакнеж на натпреварот – изјавила таа за WESH 2 News.
Прво се насмевнал, но кога ја прочитал пораката на која пишувало „Честитки, Џејмс! Ќе бидеш татко!“, шокирано и воодушевено ја отворил устата. Планот на неговата сопруга успеал.
На официјалниот Твитер профил на „Орландо Меџик“ се појави видео од овој настан. Тие јавно му честитаа на парот и им се заблагодарија што ја споделија среќата со нив.
Фото: Принтскрин/Twitter