(ВИДЕО+ФОТО) Скандал – Полицајци силувале тинејџерка: „Животот ми се распадна, ме ставија во комбе и ме силуваа 45 минути“

18.годишната тинејџерка од Бруклин обвинила двајца полициски детективи дека ја силувале по приведувањето поради поседување на дрога.
“Животот ми се распадна. Силувањето ме уништи. Кога ќе видам полицаец ме фаќа паника”, вели 18.годишната Ана Чемберс.
Двајцата осомничени детективи се суспендирани и одземени им се пиштолите и значките. Внатрешната контрола моментално ги истражува осомничените за да се утврди дали биле пријавувани пред овој случај.

Детективите Едвард Мартинс и Ричард Хол на 14. септември биле на тајна задача во Брајтон бич, со својот шеф Џон Еспи, кога детективите без објаснување се оддалечиле и отишле кон комбето.
Тие во паркот Каверт Вокс ја запреле девојката и двајца нејзини пријатели. Ги предупредиле дека не треба да пијат во паркот и ги претресле. Кога кај девојката пронашле марихуана и лек „клонопин”, и ставиле лисици на рацете и ја одвеле.
“Јас во себе имав прозак, но не ми го запленија, туку ми кажаа само да го чувам во шишенцето”, изјавил пријател на девојката, кој сакал да остане анонимен.

Детективите на нејзините пријатели им рекле дека ќе ја носат во полициска станица. Меѓутоа, девојката тврди дека ја одвеле во некое зафрлено место и ја силувале.
“Еден од детективите ја силувал”, изјавил нејзиниот адвокат и додал дека полицијата ја киднапирала и ставила во возило без никаква причина. „Била со лисици кога ја силувале”, рекол адвокатот.

После 45. минути ја исфрлиле од комбето и заминале. Еден од пријателите ја пронашол во близина на 60.тата полициска станица.
“Ми кажа дека ја силувале. Не можев да направам ништо”, рекол нејзиниот пријател кој ја одвел дома, а нејзините родители ја одвеле на преглед во болница.

Докторите утврдиле дека била сексуално злоставувана и веднаш се јавиле во полиција. Детективите на некои колеги им рекле дека таа прифатила да има секс со нив.