ekran платформа за слободоумни
Десет дена после кралската венчавка на принцот Хари и Меган Маркл се собират впечатоците од церемонијата. Целиот свет се согласува дека младенците се многу вљубени еден во друг и дека нивната венчавка ниту малку не била налик на онаа од 1981. година кога се венчале принцот Чарлс и лејди Дијана Спенсер.
Веќе е општо познато дека бракот на принцезата Дијана и принцот Чарлс бил несреќен, а документарецот во кој се појавиле тајни снимки од принцезата Дијана октрива дека таа сакала, ден порано, да ја откаже венчавката. Имено, таа неколку дена пред венчавката го слушнала разговорот на својот свршеник и Камила Паркер Боулс во кој тој и ветил дека засекогаш ќе ја сака.
„Доцна ти е. Твоето лице е на секоја шоља во Лондон“ и рекла.
Принцезата во истиот документарец признала дека на денот на венчавката се чувствувала како јагне кое оди на колење.
„Додека влегував во црквата со погледот ја барав Камила, а потоа и ја здогледав, во сив фустан. Се надевав дека после венчавката со неа ќе биде готово, но не беше. Мојот сопруг на медениот месец носеше нараквица со две букви „Ц“ која таа му ја подарила“, рекла принцезата пред разводот од принцот Чарлс.
