ekran платформа за слободоумни
Позната по својата самодоверба и ведра природа, слатката принцеза Шарлот не разочарала ниту во понеделникот на крштевањето на нејзиниот помлад брат, принцот Луис.
На влезот во капелата „St James’s Palace“, кралското семејство го дочекал архиепископот од Кентенбери, Џастин Велби.
Поспаниот крштеник, принцот Луис мајка му го носела во рацете додека принцот Вилијам ги држел за раце принцезата Шарлот и принцот Џорџ.
Пристигнувајќи до архиепископот Велби, принцот Вилијам ги испратил децата да го поздрават,и’ додека принцот Џорџ бил малку воздржан, принцезата Шарлот самоуверено ја испружила раката и се поздравила.
Неколку чекори понатаму ги дочекал деканот на кралската капела. Принцот Вилијам дури и не стасал да им каже на своите деца што треба да направат, а малечката Шарлот ја испружила раката и поздравувајќи се го гледала деканот во очи.
На излегувањето, по завршувањето на обредот, Шарлот весело им мавтала на камерите и собраните фотографи.
