(ВИДЕО) Денес почнува првото издание на „Дојран Рок Фест“: Пет музички групи за „жешка рок ноќ!“

Денеска ќе се одржи првото издание на „Дојран Рок Фест“.
„Особено сме горди и посебно возбудени за овој проект бидејќи излегуваме од границите на градот Скопје и се упатуваме кон нашиот бисер на југот – Дојран. Еднодневниот фестивал ќе се одржи на плоштадот во Стар Дојран“, соопштуваат организаторите на фестивалот.

„Исто така планираме овој фестивал да биде традиционален и да влезе во агендата на летни фестивали кои во екот на туристичката сезона ќе привлечат уште повеќе млади лица во Дојран“.
На фестивалот ќе настапат 5 различни музички групи исклучиво од нашата држава и тоа Bad Obsession,High Voltage,Cruel,Daktili и The Chicks.

Сите посетители мора да се придржуваат до мерките пропишани за одржување на јавни настани и одржување на пропишаната физичка дистанца.
Настанот се одржува под покровителство на Министерството за Култура.