„Вака изгледав после судирот со таксистот кој мислеше дека има право на моето тело“

Хаштагот #MeToo,за разлика од повеќето интернет трендови, ниту малку не губи на актуелност. Напротив, се’ повеќе жени ширум светот ги откриваат своите приказни за сексуалното злоставување кое го доживеале.Една од нив е и фотографката од Азербејџан, Рена Ефенди.

„Таксистот мислеше дека има прво на моето тело, но се борев со него и успеав да избегам. Добро е конечно да се види дека толку многу се пишува за проблемот на сексуалното злоставување. Беше потребно некој моќен и познат во Холивуд да ја покрене оваа тема и да предизвика реакции ширум светот. Да се надеваме дека „моментот“ ќе остане и ќе расветли друга приказна на обичните луѓе кои преживеале сексуално насилство.Знаеме дека тоа се случува секој ден и насекаде во светот: во војна, на улица, во канцелариите, на јавните места и во семејствата.За жал, поради општествените стигми за повеќето случаи никогаш не се пишува или се дознава дека насилниците не се кзанети. Се надевам дека културата на посрамување нема да запре на тоа овие приказни конечно да се раскажат“ напишала Рена.