Во соработка со СЗО и организацијата „Global Citizen“ Лејди Гага организира онлајн концерт „One World: Together at home#, закажан за в сабота, а ќе се пренесува на Фејсбук и Јутјуб.
Нема сомнение дека и таа самата би предизвикала голем интерес, но сепак одлучи овој концерт да го направи со други познати личности, а листата е навистина долга и ексклузивна.
Аланис Морисет, Андреа Бочели, Били Ајлиш, Џо Армстрог, Бурн Бој, Крис Мартин, се само дел од потврдените артисти. Ќе ги видиме и Дејвид Бекам, Еди Ведер, Елтон Џон, Кери Вашингтон, Малума, како и Пол Макартни, Пријанка Чопра, Стиви Вондер и многу други.
Преносот ќе го води фантастична тројка – Џими Фалон, Џими Кимер и Стефан Колбер.
По овој повод Гага даде и видео изјава, во која ги повика сите луѓе да уживаат во музиката и да не уплаќаат пари, затоа што досега преку донатори успеала да собере 35 милиони долари. Исто така, изрази и поддршка на сите здравствени работници ширум светот.
„Иако физички не можеме да бидеме заедно, ајде да го направиме тоа онлајн“, порача пејачката.
В сабота онлајн концерт „One World: Together at home#: Настапуваат Андреа Бочели, Елтон Џон, Малума, Пол Макартни, Ени Ленокс…
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.