ekran платформа за слободоумни
Утре, 6 декември 2023 година, во Културно информативниот центар во Скопје – Салон Империјал 1, со почеток во 12:00 часот, ќе се одржи трибината „Книжевната сцена во современиот културен контекст“.
Модераторка:
– Ана Јовковска, авторка, новинарка и културна истражувачка
Говорници:
– Петар Андоновски, автор
Живко Грозданоски, автор и книжевен преведувач
– Јулијана Величковска, авторка, уредничка во „ПНВ Публикации“, директорка на „Скопскиот поетски фестивал“ и програмска директорка на „Поетска ноќ во Велестово“
– Владимир Јанковски, автор и уредник во издавачката куќа „Готен“
„Книжевната сцена во современиот културен контекст“ е дебата во организација на авторката, новинарка и културна истражувачка, Ана Јовковска во рамки на програмата за литературна дејност „Македонски книжевни текови“ на Културно Информативен Центар- Скопје, сo цел развој и афирмација на литературата и издавачката дејност во Република Македонија.
Настанот е замислен како еден вид платформа за креативен дијалог и критичко размислување со современи македонски автори кои имаат значајна улога во креирањето на моменталните книжевни текови, културни теории и политички светогледи. На дебатата преку делата на авторите, всушност, ќе се адресираат важни општествени прашања: современите предизвици на книжевноста, културната продукција, уметноста, културните идентитети, медиумската култура и друго.
