Среќен роденден Димитар Андоновски !!!

На денешен ден во 1985 година во Битола е роден познатиот македонски пејач Димитар Андоновски. Димитар уште од мали нозе влегол во му­зичките води, пред се како ученик во нижото музичко училиште во Битола. Завршил средно музичко училиште (отсек вио­лина) во Битола и се запишал на музичката академи­ја во Скопје. Првото пејачко искуство, Димитар го имаше во 1994. година на дет­скиот фестивал Си-До, каде ја отпеа, тогаш многу популарната „Кога Ема би знаела“, по што се појави и во телевизиската серија Здраво генијалци на МТВ, и оттогаш, како што сами­от вели, постојано е во музиката.

Димитар бил дел од тимот финалисти на М2 продукција во 2003, а во полуфиналето ја отпеа „Ми требаш како молитва“ на Игор Узунов. Бил еден од придружните вокали на Тијана Дапчевиќ на Евровизија 2014 година.

Активен е во музичките води и ден денес.

Редакцијата на Екран му посакува среќен роденден, а вие слушнете ја одличната преработка на песната „Ако одам во Битола“ испеана од Димитар и Фонтана, заедно со Sarah Mace.