ekran платформа за слободоумни
КОГА ожалостеното семејство видело непозната жена пред ковчегот на нивната почината роднина, пристојно и дозволиле да одаде почест во отворениот ковчег, барем така мислеле….
Жена во шеесеттите години се претставила на семејството на починатата како нејзина пријателка.
Но, подоцна, кога членовите на семејството повторно стигнаа до одарот, сфатиле дека починатата останала без накит – нејзиниот ѓердан, прстен и обетки исчезнале, пишуваат француските медиуми.
Семејството веднаш ја алармирало полицијата, која тргнала во потрага по сомнителната пријателка. Откриле дека станува збор за жена која живее недалеку од погребален дом во градот Лиевин.
Ја уапсиле и во нејзиниот дом го пронашле украдениот накит.
Но, тоа не е крај на приказната. Таа наскоро од полицијата била поврзана со кражба на паричник од мртов човек на одарот во истиот погребален дом порано истиот ден.
За време на претресот во домот на осомничената, полицијата пронашла куп од неодамна објавени известувања за смртта. Тие исто така содржеле кодови за пристап за членовите на семејството да влезат во одредени простории каде што се наоѓаат ковчезите.
Полицијата објавила дека жената ќе мора да се појави на суд во 2022 година.
Фото: Илустрација
