Скопскиот џез фестивал одлучи традиционалната годишна награда за најдобар млад македонски џез музичар оваа година да му ја додели на инструменталното скопско џез-трио 𝗭𝗨𝗟𝗨 𝟯.𝟰, односно на сите негови членови подеднакво: Дамјан Даневски (тапани), Марио Симоновски (гитара) и Мартин Џорлев (клавијатури). Ова е нивна година. Својот уникатен, оригинален звук, присутен на нивните три албумски објави, успешно го изнесоа на бројни концертни подиуми дома, но и во странство, освојувајќи искрени симпатии кај музичките новинари и публиката. Наградата на Zulu 3.4 ќе им биде врачена в четврток, 13 октомври, пред нивниот настап во МКЦ (23:00), во рамките на 41. Skopje Jazz Festival.
Инаку, скопското џез трио „𝗭𝗨𝗟𝗨 𝟯.𝟰“ во 2019 година настапи на „Андерфест“ а признанието од СЏФ е и признание за организаторите на горе споменатиот фестивал бидејки умеат да ги препознаат вистинските вредости.
Фото: Принтскрин/