Се уште не е позната причината за трагедијата.
Почина Коди Лонго (познат како Коди Ентони), актерот најпознат по улогата на Николас Алмејн во „Days of Our Lives“ на NBC и Еди Дуран во „Hollywood Heights“, потврди неговиот менаџер Алекс Гителсон за „Deadline“. Имаше само 34 години.
Лонго бил пронајден мртов во средата во неговиот дом во Остин, наведува TMZ. Неговата сопруга Стефани Кларк се загрижила кога не можела да дојде до него додека работела во локално студио за танцување, па повикала полиција. Кога пристигнале полицајците, можеле само да прогласат дека Лонго кој бил во кревет е мртов, објави TMZ.
– Коди беше целиот наш свет – кратко изјавила неговата сопруга во изјава дадена за Deadline.
– Јас и децата сме скршени и целосно уништени. Тој беше најдобриот татко на светот. Секогаш и засекогаш ќе ни недостигаш, те сакаме – рекла уништената жена.
Причината за трагедијата се уште не е позната, а Коди зад себе ја остави сопругата Стефани и три малолетни деца.
View this post on Instagram
Фото: Принтскрин/Instagram