ekran платформа за слободоумни
Минатата година актерот поминал една недела на интензивна нега, но потоа добил и пневмонија.
Британскиот актер Пол Данан, познат по серијата „Hollyoaks“ и учеството во реалното шоу „Love Island“, починал на 46-годишна возраст.
Веста беше потврдена преку објави на Инстаграм од неговата агенција „Independent Creative Management“.
– Со тешко срце објавуваме дека Пол Данан почина на само 46 години. Познат по неговото телевизиско присуство, големиот талент и неверојатната љубезност, Пол беше сончев зрак за многу други луѓе. Неговата прерана смрт ќе остави незаменлива празнина во животот на сите што го познаваа – се вели во соопштението.
Тие побарале приватност заради неговото семејство и пријатели, на кои им било кажано дека засега нема да даваат дополнителни изјави. Неговата смрт предизвика лавина реакции на социјалните мрежи, каде многу пријатели и колеги му посветија емотивни објави.
View this post on Instagram
– Штотуку ја слушнав погубната вест за смртта на Пол Данан. Имав можност да работам со него и тој беше навистина љубезна и сочувствителна личност. Моите мисли се со неговите пријатели, семејството и сите други кои се борат со предизвиците за менталното здравје – напишал актерот Адам Декон.
Веста за неговата смрт дојде неколку месеци откако тој бил пуштен од болница поради сериозни здравствени проблеми предизвикани од неговата зависност од електронски цигари. Минатата година поминал една недела на интензивна нега, но потоа добил и пневмонија.
– Бев горе и пушев цигара, наеднаш останав без здив и колабирав. Моето семејство се јави на 911 и се обидоа да ме оживеат. Медицинската сестра ми рече дека ако некогаш пушам во каква било форма, би можел да бидам поврзан со кислород со години“, рекол тогаш Данан.
Фото: Принтскрин/Instagram
