ekran платформа за слободоумни
Брус Вилис им се заблагодарил на американските полицајци кои биле меѓу првите кои помогнале во гаснењето на пожарите во Лос Анџелес на редок јавен настап откако беше откриено дека боледува од афазија и деменција.
Актерот можел да се види како се ракува и разговара со полицајците на видеото објавено на Инстаграм од неговата сопруга Ема Хеминг Вилис.
Хеминг Вилис објаснила дека Брус забележал полицаец чија работа подразбира прв да реагира во случаи на катастрофа како онаа што го снајде Лос Анџелес.
View this post on Instagram
„Тој никогаш не пропушти можност да ја покаже својата благодарност со срдечно ракување и зборовите: ‘Ви благодариме на вашата служба’“, напишала таа покрај црно-белото видео.
Таа додала дека оваа средба не била исклучок. Во клипот, кој беше објавен заедно со „Going to California“ на „Лед Цепелин“, Вилис носел светло кадифена јакна и темни панталони, кои ги споил со бејзбол капа од New York Yankees.
Талула Вилис, неговата најмлада ќерка со поранешната сопруга Деми Мур, била воодушевена од глетката, изјавувајќи дека нејзиното срце е полно. Исто така, на мрежите корисниците напишале дека се воодушевени што и покрај болеста не се изгубил себеси.
Семејството на актерот ја објави неговата дијагноза на афазија во март 2022 година, притоа велејќи дека жалат што „заминал од кариерата што му значела толку многу“.
Афазијата може да влијае на способноста на лицето да зборува, пишува и разбира јазик, и вербално и писмено, и обично се јавува по мозочен удар или повреда на главата.
Фото: Принтскрин/Instagram
