ekran платформа за слободоумни
Италијанската актерка Софија Лорен се враќа на филмот по 11-годишна пауза. 86-годишната актерка ќе глуми во драмата на Нетфликс „Животот напред“, во режија на нејзиниот син, Едоардо Понти.
Софија ќе ја толкува Мадам Роза, Еврејка, која откако го преживеала холокаустот, се грижи за децата на починатите сексуални работници со кои некогаш работела на улиците. Таа развива нежно пријателство со Момо, дванаесетгодишно сираче од Сенегал, кое се обидело да и ги украде свеќниците, пишува „Гардијан“.
Филмот ќе има премиера во октомври во Рим, а потоа ќе биде достапен на Нетфликс.
Лорен рекла дека „ја зграпчила шансата“ да ја игра Роса, која ја потсетила на нејзината мајка. Претходно два пати работела со нејзиниот син. Последен пат меѓу во филмот „Меѓу странци“ во 2002 година.
Едоардо е нејзин син од бракот со режисерот Карл Понти, со кого беше во брак од 1966. година до неговата смрт во 2007. година.
Лорен го освои првиот Оскар во 1961. година за „Две жени“, а потоа и почесен во 1991. година за „кариера богата со незаборавни претстави кои имаат трајно уметничко влијание“.
