Погребан Масимо Савиќ

Масимо Савиќ беше погребан на градските гробишта во Задар.
МИРНА и Ени Савиќ, ќерката и сопругата на Масимо Савиќ, пристигнале на гробиштата во Задар на погребот. На последното збогување на Масимо Савиќ пристигнале многу познати Хрвати, но и негови колеги музичари.
Семејството на Масимо ја следело урната што била ставена во гробот.

Меѓу првите кои дошле на гробиштата биле Рада Бориќ и Марина Томашевиќ, а потоа Џулијано, Џибони и семејството Хуљиќ.
Комеморацијата се одржа на 30 декември во Хрватскиот народен театар во Загреб, каде многу пријатели и колеги се простија од музичарот.
Да потсетиме, Масимо почина на 23. декември, а веста за неговото заминување на социјалните мрежи ја споделија неговата сопруга Ени и ќерката Мирна.

„По кратка, но херојска борба не напушти нашиот татко, сопруг, гордост и љубов, Масимо Савиќ. Иако го напушти овој свет, засекогаш ќе живее во нашите души, насмеан, топол, силен, полн со љубов и исткаен од уметност. Ќе бидеме твои девојки засекогаш.Ани и Мирна“, напишаа во објавата.
Придружба на Мирна бил и нејзиниот вереник Игор Павловиќ, за кого требало да се омажи на Нова година. Тие ја одложиле венчавката поради смртта на Масимо. Оваа информација Мирна ја открила на Фејсбук каде напишала дека Масимо требало да пее на нивната свадба.
„Денес требаше да стоиме тројцата вака, гушнати, но пред матично. Тато планираше да не изненади со песна. Ќе го поминам остатокот од мојот живот обидувајќи се да му простам на универзумот за оваа болка“, напишала таа покрај фотографијата на која позира со нејзиниот татко и дечко.

Масимо почина од карцином на белите дробови.

Фото: Архива