ekran платформа за слободоумни
Пет дневната прогноза на УХМР навестува ниски температури, ладно и врнеѓи од снег, но и ветер – се чини дека зимата пристигна…
Времето денес (вторник) ќе биде променливо облачно и студено. Претпладне главно на југоистокот се уште ќе има локални врнежи од дожд и снег. Ќе дува умерен, повремено засилен ветер од северен правец, најизразен вдолж Повардарието. Утринските температури ќе се движат од -4 до 4 степени, а дневните од -2 до 6 степени.
За утре (среда) се најавува променливо облачно и студено со сончеви периоди. Ќе дува умерен до засилен ветер од северен правец, најизразен вдолж Повардарието. Утринските температури ќе се движат од -8 до 2., а дневните од -2 до 8. степени.
Во четврток ќе биде сончево и студено со мала до умерена, а вдолж Поварадрието со значителна облачност. Ќе дува умерен, a вдолж Повардарието засилен ветер од северен правец. Кон крајот на денот облачноста ќе се зголеми. Минимална температура: -7°C до 0°C. Максимална температура: 1°C до 8°C.
Во петок ќе биде умерено до значително облачно со умерен до засилен ветер од северен правец, најизразен вдолж Повардарието. Кон крајот на денот претежно во северните делови ќе провејува снег. Минимална температура: -6°C до 2°C. Максимална температура: 3°C до 10°C.
За сабота се најавува умерено до значително облачно, на места со провејување на снег. Ќе дува умерен до засилен ветер од северен правец, најизразен вдолж Повардарието. Минимална температура: -5°C до 3°C. Максимална температура: 1°C до 8°C.
