Почина актерот кој расплака многумина во сцена од Титаник

Почина актерот Лу Палтер, најпознат по трогателната сцена од „Титаник“ која насолзи многу очи.

Според Index.hr, Палтер починал на 94-годишна возраст по тешка болест, рак на белите дробови.

Актерот најпознат по улогата во филмот Титаник се појавува при крајот на филмот кога бродот почнува да тоне. Сцената кога мажот и неговата сопруга лежат во прегратки на креветот додека околу нив блика вода, скрши многу срца.

Инаку, актерите во оваа култна сцена го отелотворија ко-основачот на продавницата Мејси, Исидор Штраус и неговата сопруга Ајда. Нивната прапра-внука е Венди Раш, сопруга на Стоктон Раш, основач и директор на OceanGate кој загина во подморницата Титан.