ekran платформа за слободоумни
Гамифицираното сoцијално интерактивно искуство „Љубовните приказни на Скопје“ се огранизира како инспирација од Европските денови на наследството кои годинава беа посветени на „Живото наследство“, а повод 11от роденден на ХАЕМУС, под чија закрила се разви и Storytelling Skopje – како личен проект за интерпретација на наследството на м-р Василка Димитровска, археолог, креативен директор на ХАЕМУС, консултант и сетифициран интерпретатор на наследство.
Љубовните приказни на Скопје – моќта на чувствата е интерактивно социјално гамифицирано искуство со заплет каде низ активно учество, забава и едукација посетителите учат за локалното наследство на Скопје.
Без разлика дали сте вљубени во некого или ве плени историјата, поезијата или приказните за вистинските романси, „Љубовните приказни на Скопје“ е искуство кое ќе ве однесе на патување од Скопското кале преку Старата скопска чаршија, сѐ до модерниот дел на градот. Попатно, ќе се вљубите во прекрасните љубовни приказни на мештаните и ќе го доживеете градот на сосема поинаков начин.
Сигурно сте љубопитни да дознаете за силните и храбри луѓе, пред сѐ жени, кои живееле, работеле или престојувале во Скопје во различни периоди од историјата. Од кралици до познати писател(к)и и нивните љубовници, пејачки во барови, но и сосема обични луѓе кои го граделе идентитетот на градот низ столетијата. Ќе слушнете секакви приказни за љубовта, некои со среќни а некои со тажни завршетоци. Попатно, оваа интерактивна авантура е исполнета со загатки, мапи, цитати и предизвици, што го прави искуството уникатно и незаборавно.
Ако сите заинтерсирани за ова необично искуство, пишете на contact@storytelling-skopje.com за да добиете понатамошни инструкции.
