ekran платформа за слободоумни
Раѓањето на синот Арчи кај принцот Хари како да доведе до еден друг вид на сигурност и сериозност. Во неколку последни јавни настапи тој говори се’ поотворено, а покрај оние изјави за родителството, тужбите за таблоидите, синот и Меган Маркл се чини дека на ред дојде и вистината за неговиот однос со братот, принцот Вилијам…
Кога принцот Хари ја запознал Меган Маркл пред три години, започнале и шушкањата дека тој се дистанцирал од остатокот на кралското семејство, па дури и од братот Вилијам. За јавноста, тоа беше малку чудно, бидејќи синовите на починатата принцеза Дијана и принцот Чарлс уште од детството се неразделни.
Сега помладиот брат, во интервјуто за британскиот „ITV“ ги потврди шушкањата и кажа дека не е во најдобри односи со братот.
„Вилијам и јас тргнавме по различни патишта. Браќата имаат добри и лоши денови“, рекол меѓу другото принцот Хари.
Тој истакнал и дека стиловите на живот, желбите и верувањата, негови и на братот Вилијам многу се разликуваат, дека ретко се гледаат и дека не е чудо што нивниот однос поради големиот семеен и медиумски притисок се променил.
„Дел од оваа улога која ние ја играме е носењето на огромен притисок. Неизбежно е да дојде до кавга. Но гледајте, ние секогаш ќе бидеме браќа, јас секогаш ќе бидам тука за него, како што знам дека и тој ќе биде за мене“, изјавил Хари.
Наводно, до кавга дошло поради тоа што Вилијам не бил воодушевен од идејата Хари да се ожени со Меган.
#PrinceHarry #opensabout #tensionswith Post: Prince Harry opens up about tensions with Prince William – CNN Video: In an interview with ITV, Prince Harry acknowledges tensions with his older brother, Prince William, saying the two are on different paths. https://t.co/WY3mfJl4Qx
— blaqsbi (@blaqsbi) October 21, 2019
