Американскиот магазин „People“ неодамна спроведе анкета во врска со машката убавина. Верните читателки, но и читатели ја дале својата пресуда, па актерот Крис Еванс го прогласиле за најсексапилен маж на светот.
Во интервју за споменатиот магазин, Еванс истакнал дека не се надевал на ова признание, но, откако веќе го доби, сигурен е дека „мама ќе му биде среќна“.
„Таа е горда на се што правам, но понекогаш премногу се фали со тоа“, истакнал тој и низ смеа додал дека оваа титула ќе биде причина и за неговото малтретирање од неговите блиски пријатели.
View this post on Instagram
А што вели мама?
Па, може да се каже дека мајката е исклучително горда на досегашните достигнувања на својот син и дека не е изненадена што оваа титула му припаднала на синот.
„Воопшто не сум изненадена од оваа вест“, изјавила таа за People.
View this post on Instagram
Крис Еванс исто така истакнал дека почнал да размислува за својот живот надвор од актерството, живот кој ја вклучува следната фаза од животот – бракот и родителството.
„Тоа е апсолутно нешто што го сакам, но тоа се работи што сакам да ги задржам за себе и за моето семејство“, заклучил тој.
View this post on Instagram
Фото: Принтскрин/Instagram