Деми Мур и Брус Вилис станаа баба и дедо. Најстарата ќерка на поранешната двојка, Румер Вилис, го дочека своето прво дете со Дерек Ричард Томас на 18 април.
Во објавата на Инстаграм споделена во средата наутро, Вилис објавила дека ја родила својата ќерка Луета Исли Томас Вилис дома на 18 април.
Во објавата таа го опишала своето новороденче како „чиста магија“: „Ти си повеќе отколку што некогаш сме сонувале“, наведено е на Инстаграм.
Румер Вилис, актерката позната по серијата „What Lies Ahead“ и нејзиното момче, музичарот и продуцент Дерек Ричард Томас се во романтична врска од почетокот на 2022 година.
View this post on Instagram
Во коментар под објавата на нејзината ќерка, Мур рекла: „Чиста љубов за оваа мала птица“. Ема Хеминг Вилис, маќеата на Румер и сегашна сопруга на Брус, исто така ги дала своите зборови на поддршка.
Хеминг Вилис и Брус се венчаа во 2009 година, но ѕвездата од „Умри машки“ одржува блиско пријателство со својата поранешна сопруга.
Минатиот месец, Мур и Хеминг го прославија 68-от роденден на Вилис, прв откако му беше дијагностицирана деменција. Во февруари, семејството Вилис објави дека дијагнозата на афазија на Брус напредувала во фронтотемпорална деменција. Откако се дозна за болеста на актерот, семејството го поминува секој драгоцен момент заедно.
Фото: Принтскрин/Twitter