ekran платформа за слободоумни
И’ покрај богатата кариера на глумецот Џон Траволта семејството секогаш му е на прво место, а тешките животни моменти, како што самиот вели, ги пребродил благодарение на Саентолошката црква…
Славниот 64. годишен глумец Џон Траволта во разговор за USA Today признал дека Саентолошката црква му помогнала во соочувањето со трагичното губење на 16. годишниот син Џет во 2009. година.
Губењето на синот Траволта го нарекол најлоша работа која му се случила во животот признавајќи дека не знаел дали ќе успее да ја преброди оваа загуба.
Неговото најстаро дете кое се борело со аутизмот и болеста Кавасаки, доживело напад за време на смеејниот одмор на Бахамите. За време на нападот 16. годишниот Џет ја удрил главата што на крај се покажало како кобно.
„Црквата никогаш не не напушти во две години. Не знам дали би преживеал без нивната поддршка. Нашата црква е вистинска работа која не прави приземјени“, признал Траволта.
После несреќниот настан Џон Траволта и сопругата Кели Престон семејството го направиле најголем приоритет.
„Нашите деца се наш најголем интерес во животот. Нивната иднина ни е најважна“, се зборови на Траволта кој врската со глумицата Кели Престон ја започнал после запознавањењто на снимањето на филмот „The Experts“ во 1989. година за да две години подоцна стапат во брак.
Џон и Кели се родители на 18. годишната ќерка Ела и осумгодишниот син Бејнамин.
„Тие се паметни деца и добро напредуваат бидејќи се охрабрени да го применат она што го научиле. Ела заработува за живот како глумица и многу сме горди на неа“, открива Траволта чија ќерка неодамна го завршила снимањето на криминалистичкиот трилер „The Poison Rose“ во друштво на глумците Брендон Фрејзер, Морган Фримен и татко и.
