ekran платформа за слободоумни
Сопругата на Алек Болдвин, Хиларија, открила што направила прво откако слушнала за несреќата на сетот во кој Алек случајно ја застрелал снимателката Халина Хачинс.
Хиларија вели дека ги спремила нивните шест деца и влегла во автомобилот.
„Не знаев каде одам, само возев“, изјавила таа за New York Post за време на ексклузивно интервју во Вермонт.
Хиларија рекла дека цел ден возела барајќи место надвор од очите на јавноста, пред да се смести во градот Манчестер во Вермонт. Таа се надевала дека ќе успее да ги заштити сопругот и децата од медиумите. Во интервјуто таа открила и дека се грижи за психичката состојба на Алек.
„Го донесов Алек овде да ја оплакуваме смртта на Халина. Му се случи навистина трауматично нешто и се обидувам да го спречам да развие ПТСП. Погледнете што се случува со војниците и полицајците кога ќе се случи нешто вакво, тоа е трауматично. Дојдовме тука поради тишината“, рекла таа.
Запрашана дали Алекс повторно ќе глуми, Хиларија била полна со надеж, но не можела да каже ништо со сигурност.
„Му треба простор и јас да се грижам за него и за неговото ментално здравје“, рекла таа. „Тоа е страшна работа што се случи. Алек се чувствува ужасно“, заклучила таа.
На својот Инстаграм профил Хиларија објави и фотографија на која сопругот го држи за рака.
„Те сакам и тука сум“, напишала таа во описот.
За потсетување, Алек вчера по несреќата првпат се обрати до медиумите.
„Таа ми беше пријателка, таа ми беше пријателка… Денот кога стигнав на сетот, ја однесов на вечера со режисерот, бевме тим кој работеше одлично. А потоа се случи овој ужасен инцидент“, рекол видно потресениот актер меѓу другото.
Фото: Принтскрин/Instagram
