ekran платформа за слободоумни
Брајан Ротери (83) не ја видел својата ќерка Џули Лунд (58) од бебе и изгубил надеж дека некогаш повторно ќе се сретне со неа. Но, се’ се променило кога Џули во групата на Фејсбук објавила стара фотографија од детството.
Џули до сликата напишала: „Дали некој го препознава семејството на оваа слика? Јас сум бебе во количка и фотографијата е направена околу 1963. година. Ви благодарам многу“.
Таа била воодушевена кога нејзиното семејство од фотографијата – кое се грижело за неа извесно време додека била бебе – всушност и се јавило.
Но, објавата имала уште една неочекувана последица – довела до емотивно обединување на Џули со нејзиниот татко, од кој била разделена цел живот.
Џули Лунд немала поим дали нејзиниот татко е сè уште жив и не знаел каде е. Но, охрабрена од реакцијата што ја добила нејзината слика, таа побарала помош и членовите на групата на Фејсбук имале мисија да го пронајдат нејзиниот татко.
Таа открила дека тој ја посетувал секоја недела кога била бебе и дека бил скршен кога нејзината мајка ја однела од таа област на Британија. Тие се сретнаа во Ѓузбери.
„Мислев дека никогаш повеќе нема да ја видам – се чувствувам толку чудно“, рекол Брајан, нејзиниот татко.
„Малку сум тажна поради целото време што го загубивме, можевме да бидеме заедно толку многу пати, но нема смисла да гледаме назад, можеме само да гледаме напред“, изјавила Џули.
Нејзиниот татко повторил дека му се случило чудо – иако не верувал во чуда.
Фото: Принтскрин/Facebook/Julie Lund
