ekran платформа за слободоумни
Нов официјален портрет на кралот Чарлс и кралицата сопруга Камила со принцот и принцезата од Велс, Вилијам и Кејт, се појави на профилите на британското кралско семејство. Портретот е создаден во Бакингемската палата ден пред погребот на кралицата Елизабета.
„Нивното височество кралот и кралицата со нивното кралско височество, принцот и принцезата од Велс. Снимено е во Бакингемската палата на 18. септември, снимено од Крис Џексон“, стои во описот на фотографијата, која за помалку од 24. часа по нејзиното објавување собрала над 700 илјади лајкови на Инстаграм.
View this post on Instagram
На фотографијата двата пара изгледаат опуштено, насмеани, а кралот ја има раката во џеб. Неколку моменти откако била направена оваа фотографија, тие одржале прием за светските лидери кои дојдоа во Лондон на погребот. Зад нив е портретот на Џорџ III, кој ја купил Бакингемската палата со намера да ја направи негово засолниште.
„Намалената монархија“ на Чарлс
„Сликата сугерира дека се уште може да има моменти кога кралското семејство може да се повлече од должноста“, пишуваат британските медиуми и додаваат дека ова е фотографија која го симболизира почетокот на владеењето на Чарлс. „Овде го гледаме владеењето кое го замислил кралот Чарлс III – каде историјата и династијата мора да се зачуваат, се разбира. Но со нов стил на неформална благодат заснован на вистински семејни вредности. Тоа е ‘помешано’ семејство, во чекор со времето“, додаваат тие.
Тие исто така истакнуваат дека на оваа фотографија се гледа „намалената монархија на Чарлс на дело“. Имено, новиот крал со години се залага од јавниот буџет да се финансираат само мал број членови на најтесното кралско семејство.
View this post on Instagram
Новиот „The Fab Four“
Многумина пронашле одредена симболика на фотографијата. „Ова е минатото и иднината на нашата монархија“, напишале некои воодушевени од потегот на кралската палата. На други им пречело тоа што фотографијата е направена во време на жалост за кралицата. „Да се сликаш додека тагуваш по мајка ти и баба ти?“, приговарале.
Сепак, најголемо внимание го привлекол фактот дека на фотографијата ги нема другиот син на Чарлс, Хари и неговата сопруга Меган. Имено, во коментарите често се споменува терминот „The Fab Four“. Тој прекар првично го користеле Британците за Хари, Меган, Вилијам и Кејт, сè додека не дојде до поделба меѓу браќата. Сега со тој прекар ги нарекуваат Чарлс и Камила и Вилијам и Кејт.
Хари и Меган не биле ни поканети на прием за светските лидери.
„Денес се формира нова Fab Four. Овој пат го имаме Чарлс и неговата најголема поддржувачка Камила. Ќе ги поддржат Кејт и Вилијам. Пораката е јасна: шоуто ќе продолжи”, заклучува Daily Mail.
Фото: Принтскрин/Instagram
