ekran платформа за слободоумни
Принцот и принцезата од Велс споделија нова семејна фотографија на нивниот официјален Инстаграм профил, која беше објавена како божиќна честитка.
Фотографијата е направена во текот на летните месеци кога семејството се шетало по дворот на нивниот дом во Анмер Хол во Норфолк, а фановите веднаш забележале некои детали.
View this post on Instagram
„Шарлот е копија на кралицата“, „Шарлот прераснува во убавица. Во неа ги гледам кралицата и Дијана“, „Мислам дека Шарлот многу личи на кралицата“, забележале дел од следбениците.
Сепак, многумина ја искористиле приликата да го коментираат документарниот филм на Нетфликс „Хари и Меган“, во кој Сасексите остро го критикуваа кралското семејство, особено кралот Чарлс и принцот Вилијам.
View this post on Instagram
„Одлична фотографија. Само продолжи со своите обврски – никогаш не се жали, никогаш не објаснувај”, “Вака се однесува вистински принц”, “Мило ми е барем некој во семејството да има достоинство”, „Убава и достоинствена, каква разлика од оние двајца“, продолжуваат коментарите.
Потсетуваме, принцот Хари и неговата сопруга Меган Маркл објавија документарен филм и ја шокираа јавноста со своите изјави и однесување, а многумина веруваат дека на тој начин всушност го изневериле кралското семејство.
Фото: Принтскрин/Instagram
